Samiti i marrëveshjes së paqes në Egjipt, Netanyahu nuk do të marrë pjesë

Kryeministri izraelit, Benjamin Netanyahu u ftua nga presidenca egjiptiane për t’u bashkuar me samitin ndërkombëtar që do të zhvillohet këtë të hënë në Sharm el-Sheikh.

Zyra e kryeministrit izraelit ka lëshuar një deklaratë ku thuhet se Netanyahu nuk do të jetë në gjendje të marrë pjesë në samit për shkak të festës hebraike të Sukotit.

“Kryeministri falënderoi Presidentin Trump për përpjekjet e tij për të zgjeruar rrethin e paqes përmes forcës”, thuhet në deklaratë.

Edhe pse ka një armëpushim në Gaza, ende nuk është arritur një marrëveshje afatgjatë paqeje. Rreth 20 liderë botërorë, përfshirë kryeministrin e Mbretërisë së Bashkuar Keir Starmer, do ta diskutojnë këtë në samitin e Sharm el-Sheikh.

LEXONI GJITHASHTU:

• Izraeli përgatitet për vizitën e Trump, Tel Avivi me flamuj dhe mesazhe falenderimi
• Hamasi liron grupin e dytë të pengjeve si pjesë e armëpushimit në Gaza