‘Sanksionet kundër Rusisë erdhën me vonesë’, Zelenski kritikon BE-në

Presidenti i Ukrainës Volodimir Zelenski ka kritikuar liderët e Bashkimit Europian pasi sipas tij duhet të kishin marrë më shpejt masa kundër Rusisë.

“Ju keni vendosur sanksione. Ne ju jemi mirënjohës për këtë. Këto janë hapa të rëndësishëm, por janë pak vonë”, tha presidenti përmes një video-mesazhi postuar në Telegram.

“Nëse [sanksionet] do të kishin qenë parandaluese, Rusia nuk do të kishte hyrë në luftë. Të paktën, asnjë nuk e di këtë me siguri. Mund të ishte një mundësi”, shtoi ai.

Presidenti ukrainas lëvdoi lëvizjen e Gjermanisë për të ndalur gazsjellësin rus Nord Stream 2, por theksoi sërish se ky vendim mund të ishte marrë më parë.

Nga ana tjetër, ai u ka kërkuar krerëve të unionit që të marrin në konsideratë anëtarësimin e Ukrainës në BE, përpara se të jetë ‘tepër vonë’.

Samiti i BE-së i mbajtur ditën e enjte mblodhi liderët e shteteve të Perëndimit për të diskutuar mbi Ukrainën, një muaj pasi Rusia nisi pushtimin e vendit të  saj fqinj.

LEXONI GJITHASHTU:

• Rusia konsideron Bitcoinin për shitjen e naftës dhe gazit
• Frika nga pushtimi rus rrit interesin për përdorimin e armëve në Poloni
• UNICEF: 4.3 milionë fëmijë ukrainas të detyruar të lënë shtëpitë