Sanksionet ndaj Kosovës, Haradinaj: Mocioni për rrëzimin e Kurtit, interes kombëtar

Kryetari i Aleancës për Ardhmërinë e Kosovës, Ramush Haradinaj ka reaguar pas konfirmimit të djeshëm nga Bashkimi Evropian për hyrjen në fuqi të sanksioneve të vendosura ndaj Kosovës.

Sipas tij, sanksionet e BE-së ndaj Kosovës dhe paralajmërimet e SHBA-së se Qeveria e Kosovës është në rrugë të gabuar, e dëshmojnë se sa e rrezikshme është gjendja.

Ai ka theksuar se mocioni për rrëzimin e kryeministrit Kurti është interes kombëtar.

“Prandaj sot është koha të veprohet dhe të bashkohen të gjithë ata që interes parësor e kanë Kosovën, qofshin në opozitë ose edhe deputetë të shumicës, e ta jetësojnë mocionin për shkarkimin e kësaj Qeverie.  Hezitimi për të vepruar në kohë të një krize kaq të thellë e me pasoja të paimagjinueshme për vendin është bashkëfajësi. Mocioni për shkarkimin e Albin Kurtit, sot është interes kombëtar!”, ka shkruar Haradinaj në Facebook.

Bashkimi Evropian ka njoftuar të shtunën (1 korrik) se kanë hyrë në fuqi masat ndëshkuese të vendosura ndaj Kosovës. Sipas BE-së, është pezulluar puna e organeve të MSA-së dhe program i fondeve IPA.

LEXONI GJITHASHTU:

• BE: Qeverisë së Kosovës ia kemi komunikuar masat ndëshkuese që më 28 qershor
• Gërvalla: Masat ndëshkuese të BE-së për Kosovën japin mesazh të rrezikshëm