Schieder: Shqipëria të fuqizojë luftën kundër korrupsionit, mbështesim punën e SPAK

Raportuesi i Përhershëm i Parlamentit Evropian për Shqipërinë, Andreas Schieder, mbajti të enjten një konferencë për shtyp në përfundim të misionit të tij vjetor të mbledhjes së fakteve në Shqipëri. Ai vlerësoi takimet e zhvilluara dhe nënvizoi se lufta kundër korrupsionit duhet të forcohet.

Schieder theksoi rëndësinë e punës së SPAK dhe mbështetjes së saj nga institucionet: “Puna e SPAK të mbetet e pandërprerë nga aktorë të tjerë dhe puna e SPAK të mos pengohet nga institucione të tjera. SPAK duhet të bëjë punën e tyre me gjetjen dhe tyre dhe gjithçka që mendojnë se është e nevojshme dhe ne kemi thënë që të gjitha institucionet të mbështesin punën e SPAK.”

Ai vlerësoi gjithashtu ecurinë e Shqipërisë në negociatat për anëtarësim në BE, duke shtuar: “Shqipëria do vazhdojë të jetë pararojë për zgjerimin, për mbylljen e kapitujve nuk është vetëm te miratimi i legjislacionit, që ne e kënaqëm BE-në, por duhet bërë për harmonizim më të mirë të standardeve këtu dhe atyre në BE. Edhe pas miratimit të legjislacionit ka goxha punë për të bërë”, tha Andreas Schieder.

Raportuesi i PE komentoi edhe protestat e opozitës dhe kulturën politike në vend: “Duhet shmangur dhuna dhe Shqipëria duhet të ketë një qasje të bashkuar. Mësova kohët e fundit se në Kuvend ka unanimtet për disa çështje të jashtme, uroj të ndryshojë kultura edhe në çështje të tjera. Ka ardhur koha që kultura politike në Shqipëri të bëjë një hap përpara. Mos të dramatizohet gjithçka, mos të fillohet me koktejt molotovi, etj., por të luftohet fortë me argumente të forta në skenën politike, aty ku duhet. Kjo vlen për qeverinë dhe opozitën. Mbi 90% e qytetarëve shqiptarë duan integrimin në BE. Kjo është gjëja më e mirë që mund t’i tregojë Shqipërisë Evropës”, tha ai.