Kancelari gjerman, Olaf Scholz i është drejtuar Maqedonisë së Veriut me një fjalim, ku tha se vendi tashmë ndodhet pranë një kompromisi që mund t’i garantojë hapjen e negociatave me Bashkimin Evropian, 17 vjet pas marrjes së statusit të vendit kandidat.

Në fjalimin e tij, shpërndarë nga ambasada gjermane në Shkup, theksohet se edhe nëse Maqedonia e Veriut do të pranojë propozimin francez për zgjidhjen e kontestit me Bullgarinë, anëtarësimi i saj në BE nuk do të jetë i lehtë.

“Dëshiroj të jem i hapur me ju. Edhe pas miratimit të këtij kompromisi, procesi i anëtarësimit në BE nuk do të jetë i lehtë. Pengesa të tjera do të duhet të kapërcehen. Por unë them po ashtu, bashkë do t’i përballojmë detyrat që kemi përpara”, shprehet Scholz.

Këtë të hënë, kryetari i Kuvendit të Maqedonisë së Verriut, Talat Xhaferi, do të takojë krerët e grupeve parlamentare për të diskutuar mbi propozimin francez.

Gjatë këtyre diskutimeve do të përcaktohet edhe se kur do të zhvillohet seanca plenare për informimin e qeverisë për propozimin e kornizës negociuese për anëtarësimin në Bashkimin Europian.

LEXONI GJITHASHTU

• Kuvendi i Maqedonisë së Veriut diskuton sot propozimin francez
• Ministria e Jashtme bullgare ‘kundër’ propozimit francez
• Kuvendi i Maqedonisë së Veriut mblidhet të hënën për propozimin francez