Gazetari Elkier Bushkolaj tha në një intervistë për Euronews Albania se nuk mund të bëhet përgjegjës drejtpërdrejtë Berisha për humbjen në Kukës.

Sipas tij Basha humbi më shumë se 1 bashki dhe prapë nuk e bëri njeri përgjegjës, kështu që gazetari ishte i mendimit se përgjegjësia për humbjen duhet ndarë mes të gjithëve.

“Kukësi është një mesazh i qartë së pari për opozitën. Kam vënë re që ka një artikulim sikur opozitën e bëjnë monopol të zotit Berisha. Zoti Berisha është kreu i grupimit më të madh opozitar, por nuk është përgjegjësi kryesor për humbjen e Emri Vatës. Përgjegjës për humbjen e Emri Vatës, për mua është gjithë faktori opozitar. Është e pamundur që ti të akuzosh për përgjegjës direkt kryetarin e partisë për një njësi vendore. A duhet të ketë përgjegjësi për humbjen në Kukës? Absolutisht që duhet të ketë përgjegjësi për humbjen në Kukës nga gjithë struktura përgjegjëse që ka qenë në Kukës dhe ka marrë përsipër organizimin e fushatës, qoftë deputeti, qoftë kush ka qenë drejtues i fushatës, qoftë zoti Noka. Absolutisht duhet të ketë një përgjegjësi, por që të shkohet direkt fajin e ka Berisha, nuk besoj se është korrekte kjo. Basha humbi gjithë ato zgjedhje dhe në fund të ditës nuk ishte Basha i vetmi fajtor për humbjen e atyre zgjedhjeve,” – u shpreh Bushkolaj.

LEXONI GJITHASHTU:

• Gjendet 1 tjetër trup nga terroristët serbë, gazetari: Po kontrollohet për të tjerë
• Analisti: Berisha në Kukës donte të mundte opozitën, jo Ramën