Gjendet 1 tjetër trup nga terroristët serbë, gazetari: Po kontrollohet për të tjerë

Nga Banjska e Zveçanit raportoi gazetari Venhar Isufi i cili tha në një intervistë për Euronews Albania se situata është e qetë dhe policia e Kosovës po kontrollon gjithë territorin.

Sipas tij, efektivët po patrullojnë, në rast se gjendet ndonjë trup i pajetë i grupit terrorist serb.

“Lajmi i fundit është se është gjetur edhe një person i cili ka qenë pjesëtar i grupit terrorist pa shenja jete dhe i njëjti dyshohet se ka sulmuar policinë e Kosovës. Aktualisht situata është shumë e qetë. Siç e thash dhe më herët, policia e Kosovës është ende në vendin e ngjarjes dhe janë duke u marrë të gjitha masat për të mbledhur sa më shumë detaje apo informacione të tjera rreth sulmit të djeshëm ndaj policisë së Kosovës,” – u shpreh Isufi.

LEXONI GJITHASHTU:

• Sveçla thirrje Serbisë: Dorëzoni 6 terroristët që po mjekohen në Novi Pazar
• “Serbia kërkon të ndezë luftë guerile”, Bido: Policia reagoi profesionalisht