“Serbia kërkon të ndezë luftë guerile”, Bido: Policia reagoi profesionalisht

Drejtori i përgjithshëm i arkivave, Ardit Bido ishte i ftuar në Euronews Albania ku ka folur për sulmin e ndodhur mëngjesin e së dielës në Kosovë, ku mbeti i vrarë polici Afrim Bunjaku.

Sipas Bidos, ndërhyrja e policisë ishte shumë profesionale, pasi nuk lejoi ndezjen e një lufte guerile, pasi sipas tij ky është qëllimi i Serbisë.

“Në veri të Kosovës po tentohet që nëpërmjet forcave, gjasme të palidhura me shtetin, paramilitare, siç është bërë në Bosnjë dhe në Kroaci, të vendoset fitili me gjasme kryengritje civile.

Këtu nuk ka të bëjë ushtria serbe, por financimi i këtyre grupeve paramilitare. Këtu nuk kemi fitore 3 me 1, pasi nëse ndizet ky lloj fitili që po tenton Serbia të ndezi, pasi në situatë ku ngrihet një pjesë e popullsisë civile dhe merr armët në luftë guerile, nuk ka më 3 me 1.

Në atë situatë nuk do të jetë në favor të shqiptarëve nëse do të ishte ndezur dje fitili. Fati i mirë është se Policia e Kosovës reagoi jo në mënyrë të menjëhershme por profesionale. Nëse ajo nuk do reagonte në formë profesionale, kjo do të ndizte fitilin,-tha Ardit Bido.

LEXONI GJITHASHTU:

• Sulmi në Veri, Blinken: Kosova e Serbia të shmangin tensionet e t’i kthehen dialogut
• Sarrazin: Dënojmë sulmet kriminale ndaj Policisë së Kosovës, jemi në anën tuaj