Agron Kapllanaj i cili është kandidati i parë i dalë nga grupi i Enkelejd Alibeajt për zgjedhjet e 14 majit, tha se garën nuk e ka me demokratët por me socialistët.
Në një intervistë për Euroneës Albania, ai iu përgjigj dhe akuzave të kreut të PD Sali Berisha duke thënë se nuk ka marrë asnjë fond nga mazhoranca socialiste.
“E di shumë Berisha dhe ata që e rrethojnë Berishën se kush jam unë dhe çfarë përfaqësoj. Këto janë fjalë politike për të përfituar për kapital politik në interes të personave të caktuara. Unë nuk kam marrë asnjë fond nga mazhoranca.
Familjarët e mi kanë biznese siç kanë të gjithë shqiptarët. Janë ata që penalizohen më shumë. Rama dhe Berisha më kanë bërë sanduiç po megjithatë unë jam i fortë dhe do ia dalë. Nuk e kam garën me kandidatin përballë PD, por do fitojë përballë PS”- tha ai.
LEXONI GJITHASHTU: