Seanca konstituive në Kosovë, Avokati: Kurti të dorëzojë dorëheqjen në Kuvend

Kryeministri dhe ministrat në detyrë të cilët janë zgjedhur deputetë duhet të reflektojnë dhe të dorëzojnë dorëheqjet te kryesuesi i seancës dhe sekretariati i Kuvendit të Kosovës, thotë avokati Ardian Bajraktari.

Ai thekson se sistemi kushtetues i vendit, nuk lejon që dikush të mbajë në të njëjtën kohë edhe pozitën e deputetit edhe të anëtarit të ekzekutivit.

Deputetët e zgjedhur nuk arritën më 15 prill të miratojnë raportin e Komisionit të përkohshëm për verifikimin e mandateve dhe kuorumit.

Partitë që ishin deri më tani në opozitë, kërkuan nga qeveria në detyrë që të ofrojë dorëheqje formale.

Gjatë kohës që mbahej seanca, u publikua letra e Albin Kurtit përmes së cilës e njoftonte kryetarin e Kuvendit se kishte dhënë dorëheqje. Aty thuhej se qeveria ishte në dorëheqje nga dita kur i kishte përfunduar mandati , më 23 mars.

LEXONI GJITHASHTU:

• Ndahet nga jeta tenori i njohur shqiptar
• Konstituimi i Kuvendit dështoi, kreu i LDK-së: Ndërprerja e seancës, shkelje e rëndë