Sejko takon guvernatorin italian, bashkëpunim në sistemin pagesave

Shqipëria do të aplikojë në muajin qershor për t’u bërë anëtare në sistemin e pagesave SEPA. Ajo do të asistohet nga Banka e Qendrore e Italisë për të hyrë në një treg që do të mundësojë kryerjen e pagesave ndërkufitare me kosto më të ulëta.

Banka e Shqipërisë do të asistohet nga Banka e Italisë për të modernizuar sistemin e pagesave dhe për t’u anëtarësuar në tregun unik të pagesave në euro “Sepa”.

Gjatë një takimi me homologun italian, guvernatori Gent Sejko u shpreh se pjesëmarrja në “Sepa” do të mundësojë kryerjen e pagesave ndërkufitare me kosto më të ulëta dhe Shqipëria do të aplikojë në muajin qershor për t’u bërë anëtare e këtij sistemi pagesash.

Sejko theksoi se përtej modernizimit të sistemit të pagesave në vetvete dhe standardizimit me praktikat evropiane, integrimi në një treg më të gjerë evropian, do të sjellë përfitime për ekonominë reale vendase.

Guvernatori i bankës së Italisë, Panetta vlerësoi kontributin dhe rolin e rëndësishëm të Bankës së Shqipërisë në sigurimin e stabilitetit makroekonomik dhe financiar të vendit.

Ai theksoi se politika monetare e ndjekur dhe masat e marra nga Banka e Shqipërisë kanë ndikuar që Shqipëria të ketë një ndër normat më të ulëta të inflacionit dhe një ndër normat më të larta të rritjes ekonomike në rajon. Gjithashtu Panetta vlerësoi edhe nismat e ndërmarra nga autoritetet shqiptare për uljen e borxhit publik të vendit, i cili ka shënuar dhe nivelin më të ulët të tij për më shumë se një dekadë.

LEXONI GJITHASHTU:

• Panairi i artizanëve në Elbasan, ekspozohet tradita e zejeve në qendër të qytetit
• VIDEO| “Belgorodi i kërcënuar”, si i parashikoi Prigozhin sulmet ukrainase në Rusi