Sekuestrohen 169 kg marijuanë në Greqi, arrestohen 4 shqiptarë e 2 grekë

Një sasi e madhe droge është sekuestruar nga policia e Tripolit në Greqi pas një hetimi disamujor. Policia greke ka vënë në pranga 4 shqiptarë 39-45 vjeç banues në Athinë dhe dy grekë 62 dhe 64 vjeç, njëra prej të cilave femër.

Grupi kriminale vepronte prej prillit 2023 duke trafikuar drogë në Athinë dhe Arkadia nën drejtimin e shqiptarit 45-vjeçar. Grupi kriminal kishte kultivuar drogë në një plantacion në Gortynia dhe kishte arritur të nxirrte prodhimin.

Policia gjatë operacionit ka sekuestruar 169 kg e 104 gram marijuanë, 4 automjete, 8 celularë, 3 peshore, 15 mijë 385 euro, 1 pistoletë revolver, 3 fishekë dhe sende të tjera. Deri tani ky grup kriminal ka siguruar fitime që shkojnë në vlerën e 600 mijë eurove.

LEXONI GJITHASHTU:

• Policia greke publikon foton dhe identitetin e shqiptarit të akuzuar për 20 vjedhje
• Plaçkitën dhe vodhën dhjetëra Kisha në Greqi, arrestohen 3 shqiptarë