Sekuestrohen 47 mijë euro në Kakavijë, procedohen penalisht dy shtetas

Dy persona janë proceduar penalisht nga policia e Pikës Kufitare të Kakavijës pasi nuk kanë deklaruar shumat monetare që disponoin pranë autoriteteve.

Policia bën me dije se shtetasin grek me iniale V. P., iu u gjetën të fshehura 30 000 euro që tentoi t’i nxirrte nga Shqipëria, pa i deklaruar konfrom ligjeve.Personi i dytë i proceduar është një shtetas shqiptar në çantën e të cilit iu gjetën 17 mijë euro të padeklaruara.

Në komunikatën zyrtare të policisë bëhet me dije se shuma e parave të gjetura janë sekuestruar ndërkohë që janë referuar në prokurori materialet për dy personat në fjalë, për veprat penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale”

“Në vijim të veprimeve procedurale për këto raste, u referuan materialet në Prokurori ku nisi procedimi në gjendje të lirë për shtetasit V. P., 60 vjeç, banues në Greqi dhe A. J., 53 vjeç, banues në Tepelenë, si dhe u sekuestruan shumat e parave”, thuhet në njoftimin e policisë.

LEXONI GJITHASHTU:

• Intervista para vrasjes e kandidatit në Ekuador: Vendin e kontrollon mafia shqiptare
• VIDEO| I riu futet të grabis me armë dyqanin në Durrës, parandalohet tragjedia
• SPAK mbyll hetimet për grupin e Nuredin Dumanit, zbardhen 27 vepra kriminale