Sekuestrohen armë zjarri në makinën e Emilijano Nikës, kushëriri i Ervis Martinajt

Policia jep detaje lidhur me operacionin e ndërmarrë mbrëmë në Sauk.

Sot policia njofton se ka sekuestruar automjetin që ishte në pronësi të Emiljano Ninas, aktualisht në paraburgimin e ‘313’. Gjithashtu ai është dhe kushëriri i Ervis Martinajt, mikut të Eljon Hatos.

Jane sekuestruar 2 armë zjarri (një pistoletë, një automatik) si dhe një bllokues valësh të cilat u sekuestruan.

Automjeti i gjetur dje në parkingun e një pallati në Sauk të vjetër në rrugën ‘Xhabrahimi’, dyshohet se përdorej nga Olsi Gjoshi, i shpallur në kërkim.

“Shërbimet e Drejtorisë së Forcës së Posaçme Operacionale, në Departamentin e Policisë Kriminale në DPPSh, dhe Komisariati i Policisë Nr. 1, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, në zbatim të masave të përcaktuara në planin operacional mbarëkombëtar “Sundimi i ligjit”, bazuar në informacionet e siguruara në rrugë operative, kanë intensifikuar kontrollet dhe si rezultat:

▪️Në rrugën “Xhabrahimi”, Sauk i Vjetër, shërbimet e Policisë, kanë gjetur në parkingun e një pallati, automjetin në pronësi të shtetasit E. N., 28 vjeç, (aktualisht ndodhet në paraburgim të IEVP 313, Tiranë), i cili dyshohet se përdorej nga shtetasi O. Gj., 37 vjeç”-njofton policia.

LEXONI GJITHASHTU:

• Mashtrim me TVSH, ekstradohet nga Italia 52-vjeçari, në 2023 u sekuestruan 1.4 mln €
• Vota e emigrantëve rrit cilësinë e demokracisë në vend