Vota e emigrantëve rrit cilësinë e demokracisë në vend

Në raport me votën e emigrantëve, përveç shumicës qe janë dakord që ata të votojnë, Barometri sjell edhe disa opinione të tjera të tyre në raport me cilësinë që kjo votë mund të këtë sipas opinionit të tyre.

Të vendosur përballë disa pyetjeve, shprehje, atyre u është kërkuar që të tregojnë nëse janë dakord ose jo.

Emigrantët duke mos qenë të varur nga politika, zgjedhin më mirë për interesat e vendit.

65,4 % janë dakord me këtë shprehje , 18.2 % nuk janë dakord dhe 2.8 % shprehen nuk e di.

Një tjetër shprehje: “Vota e emigranteve do ta demokratizojë më shpejt Shqipërinë”, me këtë janë dakord 63,1 %  dhe 16,6 % nuk janë dakord me këtë shprehje .

Në këto të dhëna duket qartë dakordësia e shumicës nga 1000 të intervistuarit e Barometrit se sipas tyre vota e emigrantëve mund të ketë me pak mundësi të intimidohet apo ndikohet nga klientelizmi i politikës, dhe se vota e tyre si cilësi zgjedhje mund ta ndihmojë vendit të demokratizohet me shpejt.

LEXONI GJITHASHTU:

• Barometri: Qytetarët duan të votojnë për individin më shumë sesa për një parti
• Barometri: Qeveri koalicioni, por efikase. Ja çfarë preferojnë shqiptarët