Sekuestrohen pasuri me vlerë rreth 1 milion euro në Elbasan

Janë sekuestruar pasuri me vlerë rreth 1 milion euro, në Elbasan.

Policia bën me dije se këto pasuri dyshohet se janë përfituar nga aktiviteti kriminal i një 34-vjeçari të dënuar për prodhim dhe shitje të narkotikëve.

Blutë bëjnë me dije se është  vendosur sekuestrimi i 5 pasurive të shtetasit Eris Skënderi, 34 vjeç, banues në Cërrik, i dënuar nga Gjykata e Elbasanit, me 6 vjet burgim, për veprën penale “Prodhimi dhe shitja e narkotikëve”.

Konkretisht janë sekuestruar:

-një objekt banimi me sipërfaqe 62 m2;
-një objekt shërbimi me sipërfaqe 73 m2 , në Cërrik;
-2 automjete dhe 1 motomjet.

Vijon puna për gjurmimin, lokalizimin dhe sekuestrimin e pasurive të tjera që kanë burim veprimtarinë kriminale të këtij shtetasi.

Materialet procedurale i kaluan Prokurorisë, për veprime të mëtejshme.

LEXONI GJITHASHTU: 

• Gazetarja angleze kalon provimin e gjuhës shqipe: Mora 7 me meritë, jo me lekë
• SHBA/ Mbi 75 mijë punonjës të sistemit të kujdesit shëndetësor nisin grevën