Sekuestrohen pasuritë e një spanjolli, përfitoi 30 mln euro duke krijuar kompani fiktive

Prokuroria e Tiranës ka sekuestruar bizneset dhe pasuritë e shtetasit spanjoll Alvaro Romillo Castillo, i dyshuar për pastrim parash në vlerën rreth 30 milionë euro, përmes një skeme me kompani fiktive në disa shtete, përfshirë Shqipërinë.

Sipas hetimeve, ai vepronte në bashkëpunim me babain e tij Domingo Romillo Iriarte dhe partneren Mihaela Munteanu Manole duke krijuar kompani një shtete të ndryshme si Spanjë, Portugali, Shqipëri, Shtetet e Bashkuara të Amerikës, Republika Dominikane dhe Estonia. Vlera e përfituar përmes kësaj skeme arrin shumën 30 milionë Euro.

Në Shqipëri janë blerë pasuri të paluajtshme në Dhërmi me çmime nën vlerën e tregut.

Në kuadër të hetimit janë sekuestruar mbi 23 hektarë tokë në Dhërmi, tre shoqëri tregtare, dy automjete luksoze dhe llogari bankare. Më konkretisht:

1.Pasuria e ndodhur në Zonën Kadastrale nr. 1481, me sipërfaqe 13.66 Hektarë, në adresën Dhërmi, Vlorë, në vendin e quajtur Kolia, “Tokë Kullotë”;

2.Pasuria në Zonën Kadastrale nr. 1481, me sipërfaqe 9.5 Hektarë, në adresën Dhërmi, Vlorë, në vendin e quajtur Megali-Langadhea, “Tokë Kullotë”;

3.Shoqëria ‘Ëortend’;

4.Shoqëria ‘Ëingëort’;

5.Shoqëria ‘Ëortnova’;

6.Automjeti, Toyota, Land Cruiser;

7.Automjeti Mercedez Benz, AMG G 63; dhe

8.Llogaritë bankare në të gjitha bankat e nivelit të dytë ku mund të ketë llogari aktive bankare.

Çështja pritet të dërgohet në gjykatë për gjykim.

Alvaro Romillo Castillo.