Sekuestrohen qindra fishekzjarre, 2 urdhrat e kreut të Policisë për festat

Policia e Shtetit njofton se ka sekuestruar qindra kapsolla dhe fishekzjarre, me fuqi të lartë plasëse në prag të festave të fundvitit.

Drejtori i Përgjithshëm i Policisë, Muhamet Rrumbullaku u ka kërkuar të gjitha strukturave vendore të Policisë, zbatimin me rigorozitet të detyrave të përcaktuara në planin e masave, detyra të cilat konsistojnë në:

-Zbatimin me rigorozitet të planeve të përbashkëta me Shërbimin e Mbrojtjes nga Zjarri dhe Shpëtimin (MZSH), për kontrollin, verifikimin dhe zbatimin e rregullave të magazinimit, tregtimit dhe përdorimit të lëndëve piroteknike dhe fishekzjarrëve, nga subjektet e licencuara, si dhe

-Intensifikimin e kontrolleve në territor dhe në këtë kuadër, ndihmës-specialistët e Policimit në Komunitet/SPZ-të, patrullat e përgjithshme, ndihmës-specialistët për kontrollin e armëve, duhet të shtojnë kontrollet sipas zonave që mbulojnë, dhe në rast të konstatimit të shkeljeve, të bëjnë dokumentimin e tyre dhe bllokimin e sendeve të kundërligjshme.

“Policia e Shtetit fton qytetarët që të denoncojnë në Komisariatin Dixhital dhe në numrin pa pagesë 112, çdo rast të tregtimit apo përdorimit të fishekzjarrëve dhe lëndëve piroteknike, duke u garantuar ruajtje të anonimatit, reagim të shpejtë dhe të paanshëm”, thuhet në njoftim.

LEXONI GJITHASHTU:

• 31 marinarë të zhdukur, luftanija përmbyset në Gjirin e Tajlandës
• Ivica Daçiç: Barrikadat, luftë politike e serbëve kundër terrorit të Albin Kurtit
• Zgjedhjet në SPAK, Lita: Betejë e fituar nga SHBA, Dumani i pa kapur nga politika