Zgjedhjet në SPAK, Lita: Betejë e fituar nga SHBA, Dumani i pa kapur nga politika

Gazetari Lavdrim Lita komentoi procesin zgjedhor të SPAK ku në krye të këtij institucioni u vendos Altin Dumani.

Në një intervistë për Euronews Albania ai tha se betejën në këto zgjedhje e fitoi SHBA e cila sipas tij ka investuar miliona dollarë që në Shqipëri të ketë një drejtësi të pavarur.

Ndër të tjera ai theksoi se Dumani është një person që deri më tani nuk rezulton I kapur nga politika.

“Është një betejë e fituar sepse katër ambasadorët e fundit në Tiranë kanë pasur një mandat të qartë anti-korrupsion për të ngritur dhe reformuar sistemin e drejtësisë që ishte një dobësi strukturore. Ajo që pamë më 16 dhjetor në kolegjin e SPAK ishte një provë force të cilën SHBA për interesa të saj u fitua duke nxjerrë një lidership të pa kapur nga politika. Dy liderët më të mëdhenj në vend gjatë dekadave të fundit e kanë vendosur se kush do të ishte prokurori dhe Gjykata. Kemi pasur kryeprokuror të vendosur nga politika. SHBA ka paguar miliona dollarë për ta bërë Shqipërinë me drejtësi të pavarur. Ishte dhe një frikë se qeveria shqiptare nuk do të mbante premtimin e saj për ta lënë  drejtësinë të pavarur”- tha ai.

LEXONI GJITHASHTU: 

• Messi nuk tërhiqet: Do vijoj të luaj për kombëtaren e Argjentinës
• Dumani: SPAK-u, ‘luftë’ më agresive ndaj korrupsionit dhe krimit të organizuar
• Arrin në nivelin rekord trashësia e dëborës në Moskë