Sekuestrohet spitali privat në Tiranë, lekë të padeklaruara dhe produkte të ndaluara

Këtë të martë, Policia e Tiranës ka sekuestruar një spital privat në Tiranë, në Zog të Zi, pasi më datë 4 shtator 2025 është zbuluar se kryheshin krime ekonomike dhe krime kundër shëndetit.

Në kuadër të operacionit policor të koduar “Bilanci”, është sekuestruar objekti me vlerë rreth 3 milionë euro dhe është vendosur masa “Sekuestro konservative”.

Sipas raportimeve nga policia, është bërë e ditur: “Më datë 04.09.2025, Policia dhe Prokuroria e Tiranës zbuluan se subjekti në zonën e Zogut të Zi, nuk kishte deklaruar fitime me vlerë mbi 1 000 000 euro gjatë periudhës 2024-2025; shërbimet spitalore në këtë subjekt kryheshin me produkte të ndaluara për përdorim; në këtë subjekt punonin shtetas të pasiguruar”.

Ndërkohë, nën drejtimin e Prokurorisë, vijojnë hetimet për të gjurmuar dhe sekuestruar pasuri të tjera që mund të jenë vënë në dispozicion të këtyre veprimtarive kriminale.

Materialet procedurale iu referuan Prokurorisë së Tiranës, për veprime të mëtejshme.

LEXONI GJTHASHTU:

• Sekuestrohen pasuritë e një spitali privat në Tiranë
• Sekuestrohet hoteli në Pogradec, dyshohet se ishte ndërtuar me paratë e drogës