‘S’ka monitorimi në kohë reale’, eksperti: Ja sa kushton një foto nga satelitët

Eksperti i IT, Besmir Semanaj tha në emisionin Review në Euronews Albania se dy satelitë nuk i mjaftojnë Shqipërisë për të kontrolluar territorin.

Semanaj u shpreh se monitorimi i kufijve dhe territorit në kohë reale është thjesht një gënjeshtër, pasi nga këta satelitë mund të kemi vetëm të dhënë njëherë në 7 orë.

“Nuk na dalin dy satelitë për të kontrolluar territorin. Monitorimi i kufijve dhe territorit në kohë reale është thjeshtë një gënjeshtër, mund të kemi vetëm të dhënë njëherë në 7 orë. Nuk kemi pse paguajmë për shërbime që mund ti kemi pa pagesë ose me kosto më të ulët. Monitorimin e trafikut e ofron Google me pagesë shumë më të ulët. Ndërsa monitorimi i hashashit mund të bëhet lirisht përmes dronëve që ka blerë qeveria. Ato miliona euro janë përdorur për marketing, Shqipëria është projekti më i madh i kësaj kompanie”, tha Semanaj.

Sipas tij, çmimet për shërbimet që kjo kompani ofron nga flota e satelitëve të saj për fotografimin e territorit me një rezolucion deri  70 cm kushton 3 dollarë më km katrorë.

“Pra një fotografik nga kjo kompani kushton  84 mijë euro. Nëse do kishim çdo muaj nga një shkon dikur tek 1 mln euro. Nuk besoj se dy satelitë brenda 2 muajve do arrinin të filmonin gjithë territorin tonë”, tha Semanaj.

LEXONI GJITHASHTU:

• Satelitë në orbitë? Inxhinierja gjermane tregon pse do i shërbejnë Shqipërisë
• ‘Edhe pamje të nëntokës’, Sejdarasi tregon shërbimet që do të ofrojnë satelitët