‘Edhe pamje të nëntokës’, Sejdarasi tregon shërbimet që do të ofrojnë satelitët

Gazetari Bardhi Sejdarasi tha në emision Review në Euronews Albania se shërbimet më të mëdha të satelitëve do t’i marrë Ministria e Mbrojtjes, por edhe agjenci të tjera.

Sejdarasi u shpreh se çmim që i është dhënë Shqipërisë për këtë shërbim është më i ulëta që është dhënë ndonjëherë nga kjo kompani, ndërsa shërbimet që mund të përfitojnë institucionet shqiptare janë të shumëllojshme.

“Ne kemi sot një digë që është me probleme, po e them për herë të parë se nuk dua ta hap këtë çështje. Por satelitë mund të identifikojnë probleme të tilla. Përmes satelitëve merren pamje reale me një imazh shumë të mirë që mund të na sinjalizojnë për zjarret. Kjo është më e thjeshta, po të lexosh kontratën jepet zgjidhje për shumë çështje të rëndësishme”, tha gazetari.

Sipas tij, kontratat thotë që satelitët ofrojnë edhe pamje të nëntokës.

Satelitët japin edhe informacion për cilësinë e plazheve dhe ujërave, të dhëna gjeodezike për territorin ku do ndërtohet, tha gazetari.

LEXONI GJITHASHTU:

• Peka: Rama s’na ka treguar pse na duhen satelitët, s’e di as vetë ç’ka firmosur
• Satelitë në orbitë? Inxhinierja gjermane tregon pse do i shërbejnë Shqipërisë