Serbët miting madhështor në Kumanovë, gazetari: Bota serbe po forcohet edhe në RMV

Gazetari nga RMV, Blerim Hyseni, komentoi në emisionin Balkan Talks në Euronews Albania mitingun që serbët kanë planifikuar të organizojnë nesër në Kumanovë.

Hyseni tha se në RMV, në 2 vitet e fundit, është instaluar një pushtet që është shumë afër Serbisë. Sipas tij, me këtë miting, serbët po u japin një mesazh shqiptarëve të RMV se bota serbe po forcohet edhe këtu.

“Në Maqedoni, në 2 vitet e fundit, është instaluar një pushtet që asnjëherë nuk ka qenë më afër pushtetit serb. Me një plumb lanë të vrarë 2 veta. Zëvendëskryeministër për Marrëveshjen e Ohrit kanë bërë një politikan serb që është i njohur për lidhjet me Serbinë. Stojkoviç njihet për afërsinë e tij me Serbinë dhe Rusinë dhe strukturat e tyre të sigurisë. Figura e tij është e njohur. Emërimi i tij si zëvendëskryeministër ishte një provokim i hapur ndaj shqiptarëve në RMV. Nëpërmjet Kosovës, shqiptarëve në RMV u jepet sinjali se bota serbe është zgjeruar edhe në RMV. Me bishtnimi që po u bëhet të drejtave të shqiptarëve…serbët po kërkojnë të na sinjalizojnë se bota serbe po forcohet”, tha ai.