Serbi| Ngrihet aktakuzë ndaj 13 personave për tragjedinë në stacionin hekurudhor

Prokuroria e Lartë Publike në Novi Sad ka ngritur aktakuzë kundër 13 personave, përfshirë ish-ministrin e Transportit, Goran Vesiq, dhe ish-drejtoreshën e Infrastrukturës Hekurudhore të Serbisë, Jelena Tanaskoviq, lidhur me shembjen tragjike të strehës së stacionit hekurudhor më 1 nëntor.

Shembja e strukturës prej betoni shkaktoi 15 viktima dhe dy të plagosur rëndë. Sipas Prokurorisë, të akuzuarit mbajnë përgjegjësi për krime të rënda kundër sigurisë publike dhe shkaktimin e rrezikut të përgjithshëm, përfshirë shkelje në punimet e ndërtimit.

Autoritetet serbe kanë mohuar se rinovimi i fundit i stacionit përfshinte strehën, por ekspertë të pavarur kanë kundërshtuar këtë pretendim. Ngjarja ka shkaktuar një valë zemërimi publik dhe protesta të vazhdueshme nga qytetarët, studentët dhe akademikët, duke kërkuar transparencë dhe përgjegjësi.

Ndër të arrestuarit janë ish-ministri Vesiq dhe ish-drejtoresha Tanaskoviq, të cilët rrezikojnë deri në 12 vjet burg nëse shpallen fajtorë për akuzat për neglizhencë dhe punime të paligjshme. Protestat dhe kërkesat për drejtësi vazhdojnë në Serbi.

LEXONI GJITHASHTU:

• Politikani serb: Situatë skizofrenike në Beograd! Mungon një politikë e qartë
• Vuçiç: Protestat kanë mbështetje të huaj, lidhen edhe me Kosovën