Serbia i bashkohet BRICS? Daçiç: Janë përralla, ne jemi në Evropë

Lideri i Partisë Socialiste në Serbi, Aleksandër Vulin, së bashku me deputetë të tjerë të kësaj force i kanë dorëzuar Kuvendit një kërkesë përmes së cilës synohet anëtarësimi i Serbisë në organizatën BRICS, ku përfshihen Rusia, India, Kina dhe Afrika e Jugut.

Vulin, aktualisht Drejtor i Agjencisë për Siguri dhe Informacion në Serbi akuzohet nga Uashingtoni si i përfshirë në krimin e organizuar dhe në afera korruptive.

Ndërsa Ivica Daçiç, ministër i Punëve të Jashtme të Serbisë, gjatë diskutimit në Forumin e Bledit tha se “Serbia është vend i pavarur dhe mbron interesat kombëtare”, duke shtuar se nuk e kanë synim të anëatësohen në BRICS. Ai ka deklaruar se Serbia dëshiron të anëtarësohet në Bashkimin Evropian, po nuk e la pa e sulmuar ish-anëtaren e këtij unioni.

“Ju po tregoni përralla, se ne do t’i bashkohemi BRICS, organizatës së Shangait… Pastaj dëgjoni ata që ju tregojnë përralla. Kjo nuk është realiste, Serbia është në Evropë, ne duam të anëtarësohemi. Kjo është normale, “tha Daçiç.

Daçiç njihet për fjalorin e tij nacionalist destruktiv në raport me Kosovën, ai ka një angazhim të gjatë për të siguruar “çnjohje për Kosovën”.

LEXONI GJITHASHTU:

• ‘’Serbia të njohë Kosovën për të hyrë në BE”, Gërvalla e Daçiç përplasen në Slloveni
• A vazhdon ta mbështesë bashkimin Kosovë-Shqipëri? Kurti intervistë për mediat greke