Serbia konfiskon dhe heq nga tregu 900 suvenire me hartën e Serbisë pa Kosovën

Ministria e Tregtisë e Serbisë njoftoi se ka konfiskuar rreth 900 magnetë suveniresh dhe ka pezulluar shitjen e tyre sepse harta e Serbisë në to nuk përfshinte Kosovën.

“Magnetët shkaktuan shqetësim midis qytetarëve serbë dhe u panë si një njohje e pavarësisë së Kosovës”, shkruajnë mediat serbe.

“Inspektimi u krye më 10 nëntor në një dyqan në pronësi të shtetasve kinezë, pas një denoncimi nga qytetarët.

Gjatë inspektimit u përcaktua se po shiteshin mallra në kundërshtim me rregulloret, prandaj u hoqën nga qarkullimi 871 magnete dhe varëse me simbolet shtetërore të Serbisë, si dhe nëntë magnete në formën e Serbisë ku nuk përfshihej harta e Kosovës”, thuhet në deklaratën e ministrisë serbe.

LEXONI GJITHASHTU:

• Serbia emëron kryetar të ri në komunën paralele të Kosovës
• Kurti: Serbia rrëmbeu qytetarin tonë se ishte kundra Vuçiç