Serbia rikthen shërbimin e detyrueshëm ushtarak për të rinjtë

Serbia rikthen shërbimin e detyrueshëm ushtarak pas 13 vitesh ndërprerje. Ministria e Mbrojtjes e Serbisë njofton se nga ky vit, të rinjtë serbët që kanë mbushur moshën mbi 18 vjeç janë të detyruar të kryejnë shërbim të detyrueshëm ushtarak prej 4 muajsh.

Vendimi është propozuar nga shtabi i përgjithshëm i forcave të armatosura serbe dhe pritet të miratohet nga Presidenti i Serbisë dhe komandatit të përgjithshëm të ushtrisë serbe, Aleksandar Vuçiç. Sipas ministrisë serbe, vendimi synon të përgatisë ushtarakisht trupën rezerviste të ushtrisë serbe.

Në vitin 2011 qeveria serbe hoqi shërbimin e detyrueshëm ushtarak duke e bazuar funksionimin e forcave të armatosura vetëm në ushtarakët profesionist me pagesë. Por ekspertët serbë vlerësojnë se duhet rikthyer trajnimi ushtarak te të rinjtë. Llogaritet se shërbim të detyrueshëm ushtarak do të kryejnë çdo vit rreth 70 mijë të rinj.

Ushtria serbe, sipas të dhënave zyrtare, ka një personel aktiv prej 22 mijë e 500 ushtarakësh dhe një numër prej 600 mijë rezervistësh pasiv.

Ministria thotë se përgatitja ushtarake e serbëve është e nevojshme për të përballuar sfidat e sigurisë me të cilat po përballet Serbia.

LEXONI GJITHASHTU:

• Arrestohet politikani serb që vizitoi Prekazin dhe kërkoi falje për Kosovën
• Ish-kampioni i shahut ironizon Vuçiç: Përgëzime, në një listë me diktatorët që…
• Vuçiç refuzon thirrjet për hetim ndërkombëtar për parregullsitë në zgjedhje