Serbia shkon në zgjedhje, Vuçiç: Do përballem me kërkesat e opozitës
Presidenti serb Aleksandër Vuçiç ka deklaruar se synon të përballet me kërkesat e vazhdueshme për zgjedhje të parakohshme, si politike edhe lokale, të bëra nga opozita.
Në një intervistë të dhënë mbrëmjen e së dielës për televizionin privat “Pink”, Vuçiç ka thënë se dëshiron të caktojë mbajtjen zgjedhjeve brenda vitit, me procesin që mund të zhvillohet 4 marsin e ardhshëm.
“Në këtë mënyrë, edhe opozita mund të festojë ditëlindjen time me një humbje të re”, ka deklaruar me ironi presidenti, duke aluduar për ditën e tij të lindjes, më 5 mars, 1970.
Në Serbi, legjislatura ka një jetëgjatësi prej 4 vitesh. Zgjedhjet e fundit në vend u mbajtën më 3 prill 2022, kur në të njëjtën ditë u votua për zgjedhjet parlamentare, presidenciale dhe administrative për 14 komuna, përfshirë Beogradin.
Ishte një takim elektoral i parakohshëm që shënoi triumfin e njoftuar të Vuçiç dhe partisë së tij Partia Progresiste Serbe.
Në legjislativet, subjekti politik në fjalë siguroi mbi 42 për qind të votave kundrejt 13 për qind të një grupi partish opozitare.
Ndërsa në ato presidenciale, vetë Vuçiç mori rreth 58 për qind të votave që në raundin e parë duke konfirmuar mandatin e dytë pesëvjeçar.
Partia e tij korri sukses edhe në zgjedhjet lokale, duke fituar me shumicë dërrmuese Beogradin.
LEXONI GJITHASHTU:
Aeroportet evropiane në alarm, sistemi EES sjell vonesa dhe radhë të gjata
Lumasi me prodhim të bollshëm pjeshke, fermerët ankohen për çmimin e ulët të shitjes
Gjirokastra shënon shtigjet malore, më shumë siguri dhe orientim për turistët
- 17:26 Aeroportet evropiane në alarm, sistemi EES sjell vonesa dhe radhë të gjata
- 17:26 Firma e Bitcoin-it e promovuar nga Nigel Farage humb 15% të vlerës së aseteve
- 17:18 Hajime Moriyasu: Më duhet kohë për të vendosur për të ardhmen time si trajner i Japonisë
- 17:06 Lumasi me prodhim të bollshëm pjeshke, fermerët ankohen për çmimin e ulët të shitjes
- 17:03 Drejtori i Policisë Hitaj viziton sërish efektivët e lënduar pas protestës para Parlamentit
- 16:59 Gjirokastra shënon shtigjet malore, më shumë siguri dhe orientim për turistët