“S’është peshk që shkon pas rrjedhës”, Dritan Hila përplaset me Luçiano Boçin

Analisti Dritan Hila dhe nënkryetari i Partisë Demokratike, Luçiano Boçi kanë debatuar në lidhje me situatën aktuale brenda kësaj force politike.

Në emisionin “Now” në Euronews Albania, Hila tha se fraksioni i Enkelejd Alibeajt ka shumicën e deputetëve dhe se nuk do të ketë bashkim të PD-së.

Sipas tij, Berisha nuk është nga ai lloj peshku që shkon pas rrjedhës.

“Berisha ka vetinë, që ku është Berisha, është kreu i tavolinës. Edhe pse ka një numër të vogël deputetësh. 1/3 i ka Berisha, 2/3 i ka grupi tjetër. Shumicën e ka fraksioni i Alibeajt. Janë dy fraksione që po luftojnë aty. Nuk mendoj se do ketë një bashkim, Berisha nuk është nga ai lloj peshku që shkon pas rrjedhës”, u shpreh ai.

Ndërsa, Boçi nënvizoi se grupi që mbështet Berishën është më i madh në numër.

“Të bëj një vërejtje. Nuk është ky ballafaqim. Nëse ballafaqojmë numrat, ata kanë një grup, të mos futemi në kurthin e numrave’, theksoi Boçi.

LEXONI GJITHASHTU

• Ilir Babaramo: Kjo është e vetmja skemë që mund ta çojë PD-në drejt fitores
• Andi Bushati: Pse është i pamundur bashkimi i PD-së
• Nënkryetari i PD-së tregon prapaskenat e bashkimit: Çfarë po ndodh