‘S’është zeje që e bën kushdo’, Enkel Demi komenton politikanët që po bëhen gazetarë

Gazetari dhe shkrimtari Enkel Demi komentoi në një intervistë për Euronews Albania fenomenin e politikanëve që bëhen gazetarë.

Demi u shpreh se të kalosh nga gazetaria në shkrimtari është një gjë shumë e lehtë, pasi janë dy fusha që kanë shumë lidhje me njëra-tjetrën, ndërsa theksoi se me hapjen e rrjeteve sociale gazetarinë është duke e bërë kushdo.

Sipas Demit, dëshira për kontakt me publikun është e madhe ndaj nuk është për t’u çuditur prirja e politikanëve drejt gazetarisë

“Të kalosh nga gazetaria në shkrimtari është gjë e lehtë; Markez një nga librat më të mirë e ka nga një kronikë e shkruar në gazetë. Sa i përket të tjerëve që bëjnë gazetari, joshja është e madhe, dëshira për kontakt me publikun është e madhe. Por gazetaria nuk është zeje që mund ta bëjë kushdo, është profesion. Sot për fat të keq me hapjen e rrjeteve sociale, ‘budallai i lagjes’ ia thotë mendimi të gjithëve.  Sa i përket politikanëve që bëhen gazetarë s’kemi pse të çuditemi apo xhelozohemi, le ta bëjë, secili duhet të mësojë nga gabimet e veta”, tha Demi.

LEXONI GJITHASHTU:

• “Rrethimi” i Tom Kukës, historia e dashurisë që thyen dogmën e besës
• Pse u largua Grida Duma nga politika? Përgjigjet Luan Rama