Shabani: Do bëjmë histori, ndryshe nga gjithë partitë që kanë qenë në Shqipëri

Endri Shabani tha se partia “Nisma Thurje” do të sjellë ndryshim në mënyrën se si është qeverisur Shqipëria për 33 vite.

I ftuar në emisionin “Now” në Euronews Albania, ai tha se nëse “Nisma thurje” fiton, do të shënojë një ndarje totale me të shkuarën politike dhe se kjo do jetë një ngjarje  historike.

“Të gjitha alternativat anti-estabilishment që kanë provuar më parë s’ia kanë dalë dhe janë dorëzuar. Kjo do jetë hera e parë dhe do jetë historike pasi do shënojë një ndarje me një të shkuar 30-vjeçare, do fillojmë një rrugë të re. Kjo është e sigurt. Zgjedhja kjo është një rrugë e re e cila duhet të nisë sa më shpejtë”,-tha Endri Shabani

LEXONI GJITHASHTU:

• Spahiu: Mbusha sheshet në Amerikë e Europë, por ja pse ngela jashtë
• “Aksione pafund”, Redi Muçi: “Lëvizja Bashkë”, e vetmja që ka program për Tiranën