SHBA dhe Evropa zhvillojnë plane ushtarake për të mbështetur negociatat në Ukrainë

SHBA-të dhe një sërë vendesh evropiane kanë njoftuar zhvillimin e planeve të veprimit ushtarak që synojnë, sipas Perëndimit, të mbështesin bisedimet për zgjidhjen e konfliktit në Ukrainë.

“Shefat e Mbrojtjes nga Finlanda, Franca, Gjermania, Italia, Mbretëria e Bashkuar, Ukraina, Shtetet e Bashkuara dhe Komandanti Suprem i Forcave Aleate për Evropën [Alexus Grynkewich], u takuan më 19-20 gusht në Uashington D.C. Shefat e Mbrojtjes zhvilluan opsione ushtarake për të mbështetur negociatat për të sjellë një paqe të qëndrueshme në Evropë”, thanë palët në një deklaratë të përbashkët, të lëshuar nga shërbimi për shtyp i Shtabit të Përgjithshëm të SHBA-së.

“Këto opsione do t’u paraqiten këshilltarëve përkatës të sigurisë kombëtare [presidenciale] të secilit komb për shqyrtim të duhur në përpjekjet diplomatike të vazhdueshme. Planifikimi dhe komunikimi do të vazhdojnë ndërsa negociatat evoluojnë”, thekson dokumenti. Megjithatë, ai nuk specifikon se cilat janë këto opsione.

LEXONI GJITHASHTU:

• Ambasada amerikane: Ngërçi politik po i kushton Kosovës, udhëheqësit duhet të…
• Vjena mirëpret Eurovision 2026 – Finalja më 16 maj në “Wiener Stadthalle”