SHBA do të armatosë Ukrainën me raketa kundër Flotës së Zezë Ruse

Zyrtarët amerikanë po konsiderojnë armatosjen e ushtrisë ukrainase me raketa të avancuara kundër anijeve, ka raportuar agjencia e lajmeve Reuters.

Duke cituar zyrtarë të administratës së Biden, një raport thotë se Shtëpia e Bardhë mund t’i ofrojë Kievit Boeing Harpoon dhe raketa Naval Strike me të cilat të synojnë Flotën e Zezë Ruse, e cila aktualisht po bllokon portet e Ukrainës.

Zyrtarët e mbrojtjes në Mbretërinë e Bashkuar kanë thënë se rreth 20 anije të marinës ruse, duke përfshirë nëndetëse, janë aktive në rajon.

Zyrtarët thuhet se besojnë se armët mund të ndihmojnë që anijet ruse të largohen nga territori ukrainas dhe të lejojnë rifillimin e dërgesave të grurit dhe produkteve të tjera bujqësore.

Por raketat, të cilat kushtojnë rreth 1.5 milionë dollarë secila dhe kanë një rreze prej 300 km, janë kryesisht raketa me bazë deti, që do të thotë se Ukraina mund të përballet me vështirësi për t’i përdorur ato nga bregu.

LEXONI GJITHASHTU:

• Mbi 1 milion ukrainas kthehen në shtëpinë e tyre teksa lufta vazhdon
• Rusia: Lirojmë portet në Detin e Zi nëse rishikohen sanksionet