SHBA konfirmon bisedimet e drejtpërdrejta me Hamasin për pengjet e Gazës

Sekretarja e shtypit e Shtëpisë së Bardhë, Karoline Leavitt, ka konfirmuar se administrata Trump ka qenë e angazhuar në bisedime me Hamasin.

Duke folur në një konferencë shtypi, Leavitt tha se “i dërguari special që është i angazhuar në ato negociata ka autoritetin të flasë me këdo”.

Leavitt shtoi se Izraeli u konsultua për këtë çështje dhe se Presidenti Trump beson në “dialog dhe bisedë me njerëzit në mbarë botën për të bërë atë që është në interesin më të mirë të popullit amerikan”.

“Këto janë bisedime dhe diskutime të vazhdueshme, nuk do t’i detajoj këtu, ka jetë amerikane në rrezik.”

LEXONI GJITHASHTU:

• “Ferri do shpërthejë”| Trump: Mbështesim Izraelin nëse rifillon operacionet në Gaza
• Shtetet arabe dhe OKB-ja dënojnë bllokadën e ndihmës në Gaza nga Izraeli