SHBA miraton projektligjin prej 40 miliardë dollarësh në mbështetje të Ukrainës

Dhoma e Përfaqësuesve e SHBA-së miratoi më shumë se 40 miliardë dollarë ndihmë për Ukrainën, ndërsa Kongresi përpiqet të mbajë rrjedhën e ndihmave ushtarake dhe të forcojë qeverinë në Kiev teksa ajo përballet me pushtimin rus.

Dhoma e Përfaqësuesve miratoi projektligjin për shpenzimet e Ukrainës me 368 pro dhe 57 jo, ku masa është dërguar në Senat e cila pritet të futet në fuqi së shpejti, raporton Reuters.

Presidenti Xho Bajden i kishte kërkuar Kongresit të miratonte një ndihmë shtesë prej 33 miliardë dollarësh për Ukrainën dy javë më parë, por ligjvënësit vendosën të rrisin fondet ushtarake dhe humanitare.

Paketa përfshin 6 miliardë dollarë për ndihmën e sigurisë, duke përfshirë trajnimin, pajisjet, armët dhe mbështetjen e tyre për Ukrainën.

Paketa e ndihmës siguron qindra miliona dollarë për të ndihmuar refugjatët dhe financuar përpjekjet për të kapur asetet e oligarkëve të lidhur me presidentin rus Vladimir Putin, ku qeveria e ka quajtur pushtimin e Ukrainës një “operacion special ushtarak”.

LEXONI GJITHASHTU

• Putin po përgatitet për një luftë të gjatë në Ukrainë, paralajmëron SHBA
• Bajden: Putin nuk ka rrugëdalje nga lufta në Ukrainë