SHBA paralajmëron se sulmi i Iranit ndaj Izraelit mund të ndodhë këtë javë

SHBA-ja paralajmëroi të hënën se Irani ose përfaqësuesit e tij mund të nisin një sulm ndaj Izraelit këtë javë si hakmarrje për vrasjet e udhëheqësve të Hamasit dhe Hezbollahut.

Shtëpia e Bardhë tha se po përgatitej për “çfarë mund të jetë një grup i rëndësishëm sulmesh” në vlerësimin e saj më specifik publik për kohën e një sulmi të mundshëm nga Teherani.

“Ne ndajmë të njëjtat shqetësime dhe pritshmëri që kanë homologët tanë izraelitë në lidhje me kohën e mundshme këtu, sulmi mundet të jetë këtë javë,” tha zëdhënësi i Këshillit të Sigurisë Kombëtare të SHBA, John Kirby.

Ai shtoi: “Është e vështirë të konstatohet në këtë kohë të veçantë nëse ka një sulm nga Irani dhe ose përfaqësuesit e tij, si mund të duket, por ne duhet të jemi të përgatitur”.

Komentet e Kirby erdhën ndërsa zëdhënësi kryesor i ushtrisë izraelite, Daniel Hagari, tha se forcat izraelite ishin në “gadishmëri maksimale” për hakmarrje nga Irani ose përfaqësuesit e tij, duke përfshirë grupin militant libanez Hezbollah.

Ata gjithashtu kishin shtuar edhe patrullimet ajrore mbi Liban për të zbuluar kërcënimet.

LEXONI GJITHASHTU:

• SHBA i kërkon Turqisë ta bindë Iranin të ulë tensionet në Lindjen e Mesme
• Akuzuan Iranin për sulm nga hakerat, zëdhënësi: Ata e dinë se Trump do t’i ndalojë