SHBA përzë 12 diplomatë rusë të OKB për arsye sigurie

Shtetet e Bashkuara kanë dëbuar dymbëdhjetë diplomatë rusë të Kombeve të Bashkuara për arsye të sigurisë kombëtare.

Lajmi është konfirmuar nga disa diplomatë rusë dhe amerikanë.

The U.S. has informed the Russian Mission that we are beginning the process of expelling 12 intelligence operatives from the Russian Mission who have abused their privileges of residency in the U.S. by engaging in espionage activities that are adverse to our national security.

— Olivia Dalton (@USUNSpox) February 28, 2022

Anëtarëve të delegacionit rus iu është kërkuar të largohen nga Shtetet e Bashkuara pasi janë përfshirë në aktivitete jo-diplomatike.

“Diplomatët që iu kërkua të largohen nga Shtetet e Bashkuara ishin përfshirë në aktivitete që nuk ishin në përputhje me përgjegjësitë dhe detyrimet e tyre si diplomatë”, tha zv-ambasador amerikan në OKB, Richard Mills.

Ambasadori i Rusisë në OKB, Vassily Nebenzia, tha për mediat se kanë afat deri në 7 mars për t’u larguar.

LEXONI GJITHASHTU:

• Përditësime LIVE 28 shkurt: Autokolona ushtarake mbërrin në periferinë e Kievit
• Gjykata e Hagës nis hetim për krime kundër njerëzimit në Ukrainë