“SHBA po na sheh”, Kreshnik Spahiu: Dyshon për pazare mes Ramës e Berishës

Juristi Kreshnik Spahiu ka bërë deklaratën e fortë duke thënë se SHBA dhe diplomati Gabriel Escobar, kanë filluar të kenë dyshime për një ‘pazar’ mes kreut të qeverisë Edi Rama dhe ish-kryeministrit Sali Berisha.

Në një intervistë për Euronews Albania, ai tha se ky pazar dyshohet të jetë bërë që Rama të marrë pushtetin e katërt ndërkohë Berisha të marrë disa bashki në këto zgjedhje.

Juristi theksoi se Rama po luan me dy porta, nga njëra anë i mban punët mirë me SHBA dhe nga ana tjetër i jep garanci Berishës.

“Mendoj se Escobar dhe SHBA kanë filluar të kenë dyshimet e tyre që ka një Pazar mes Ramës dhe Berishës.

Dyshohet që ky Pazar është bërë që Rama  të marrë pushtetin e 4 dhe Berishës ti lërë disa bashki në këto zgjedhje. Rama është duke luajtur me dy porta, nga njëra anë mban krahun e SHBA-së dhe nga ana tjetër jep garancitë Berishës që do të jetë i paprekshëm dhe e mban si faktor opozitar duke e lejuar atë që të jetë në politik por duke e mbajtur me thërrime pushtetin. Për këtë arsye  SHBA do të analizojnë rezultatin e zgjedhjeve dhe do reflektojnë në 15 maj për këtë çështje”- tha ai.

LEXONI GJITHASHTU: 

• “Rama na kërkoi të bashkëpunonim”, Landi: Kënga “Tirona” ndikoi në shtimin e votave
• Makina “fluturon” jashtë rruge, transportohet te Trauma drejtuesi i mjetit