SHBA-Rusia po flasin sërish pas muajsh të tërë – por për çfarë dhe pse kaq shpesh?

Për çfarë po flasin kaq shpesh SHBA-Rusia pas muajsh të tërë – ç’po gatuhet?

Shtetet e Bashkuara të Amerikës dhe Rusia papritmas po flasin shumë me njëri-tjetrin.

Kjo vjen pas muajsh të tërë të një ‘ngrirjeje’ të plotë të komunikimit mes dy palëve. Dhe nuk janë vetëm ministrat e jashtëm që po flasin.

Janë ministrat e mbrojtjes nga Moska dhe Uashingtoni, madje edhe shefat ushtarakë të Shteteve të Bashkaura dhe Rusisë kanë hapur kanalet e drejtpërdrejta të komunikimit mes tyre.

Kjo ngre vetëm një pyetje.

Për çfarë po flasin me njëra-tjetrën SHBA dhe Rusia?

Rusia, SHBA dhe vendet e NATO-s kanë nisur bisedimet

Të premten, sekretari i mbrojtjes së Shteteve të Bashkuara, Loyd Ausitin, telefonoi homologun e tij rus, Sergei Shoigu, dhe sipas Moskës, gjatë telefonatës “u diskutuan çështjet aktuale të sigurisë ndërkombëtare, përfshirë situatën në Ukrainë”.

Kjo ishte hera e parë që ata folën që nga thirrja e 13 majit.

Në telefonatën e datës 13 maj, Sekretari i Mbrojtjes Loyd Austin, i bëri thirrje Rusisë që t’i jepte menjëherë fund luftës dhe të shpallte armëpushim në Ukrainë.

Në telefonatën mes dy zyrtarëve ditën e premte, asnjë kërkesë e tillë nuk u përsërit.

Pas telefonatës së të premtes, Sekretari i Shtypit i Pentagonit, Pat Ryder, tha se SHBA ishte “e etur për të mbajtur linjat e komunikimit të hapura” me Rusinë.

Me vetëm një ditë distancë mes tyre, dy zyrtarë të lartë nga Moska dhe Uashingtoni mbajtën një raund tjetër bisedimesh ditën e diel.

Thirrja e dytë mes Loyd Austin erdhi në një kohë që Moska po kërkon të rrisë komunikimin me vendet e tjera të NATO-s si Franca, Britania e Madhe dhe Turqia.

Në telefonatën e Shoigut me ministrin francez të mbrojtjes, Rusia tha se “ata diskutuan situatën në Ukrainë, e cila po përkeqësohet me shpejtësi. Ajo po priret drejt përshkallëzimit të mëtejshëm të pakontrolluar”.

Ministria ruse e mbrojtjes tha se Shoigu u tha homologëve të tij francezë, turq dhe britanikë për shqetësimin e Moskës se “Ukraina mund të shpërthente një bombë të pistë në territorin e saj dhe t’ia hedhë fajin për këtë ngjarje Rusisë”.

Bombat e pista janë eksplozivë të përzier me elemente radioaktive.

Çfarë po gatuhet mes Rusisë dhe Perëndimit?

Nuk janë vetëm ministritë e të dyja shteteve që tashmë po flasin me njëri tjetrin.

Në fakt, edhe gjeneralët rusë dhe ata amerikanë po komunikojnë mes tyre.

Shefat ushtarakë të Rusisë dhe SHBA-së zhvilluan bisedime në telefon për të diskutuar pretendimet e Moskës se Kievi mund të përdorte një bombë të pistë në territorin rus.

Të hënën, shefi ushtarak rus Valary Garisimov dhe kryetari i shefit të shtabit të përbashkët të SHBA, Mark Miley biseduan për këtë me anë të telefonit.

Zëdhënësi i shtabit të përbashkët të SHBA-së, koloneli Dave Butler tha se “2 shefat ushtarakë diskutuan disa çështje shqetësuese lidhur me sigurinë dhe ranë dakord të mbanin linjat e komunikimit të hapura. Në përputhje me praktikat e kaluara, detajet specifike të bisedës së tyre do të mbahen private”.

Për çfarë mund të jenë duke folur kaq shpesh Rusia dhe SHBA-ja? A është e mundur që Moska dhe Uashingtoni të jenë duke negociuar një marrëveshje paqeje?

LEXONI GJITHASHTU: 

• Lufta e vërtetë me Kinën sapo ka filluar
• Fjalët e Xi Jinping që thuajse e konfirmojnë luftën e ardhshme në Tajvan
• Çfarë është ‘bomba e pistë’ për të cilën Rusia po akuzon Kievin?