SHBA skeptike për negociatat Rusi-Ukrainë, Blinken: Presim vepra jo fjalë

Sekretari amerikan i shtetit, Antony Blinken tha se nuk shikon shenja se bisedimet mes Rusisë dhe Ukrainës “po ecin përpara në një mënyrë efektive”.

SHBA, tha Blinken, nuk ka parë “shenja të seriozitetit të vërtetë” nga Rusia.

“Ka çfarë thotë Rusia dhe ka çfarë bën Rusia. Ne jemi të fokusuar në këtë të fundit”, tha Blinken në një konferencë të përbashkët shtypi me ministrin e Jashtëm maroken Nasser Bourita.

Blinken paralajmëroi se Rusia duke thënë se do të reduktonte operacionet ushtarake rreth Kievit mund të jetë “një mjet me të cilin Rusia edhe një herë po përpiqet të mashtrojë njerëzit që të mendojnë se nuk po bën atë që po bën”.

Blinken i bëri thirrje Rusisë që “t’i japë fund agresionit tani, të ndalojë bombardimet, të tërheqë forcat e saj dhe të përfshihet në bisedime”.

LEXONI GJITHASHTU:

• Rusia tërhiqet nga operacionet ushtarake në 2 qytete të Ukrainës
• ‘Kanë frikë nga Rusia”, Zelenksi kritikon Macron