Shella: PD të faktojë nëse është humbëse e vogël apo e madhe, rezultati nuk ndryshon

Gert Shella, ekspert për krimet zgjedhore,  foli në emisionin “Now” lidhur me procesin zgjedhor të 11 majit 2025.

I pyetur nëse në këtë mes, Partia Demokratike do fitojë diçka, Shella përgjigjet se Partisë Demokratike i mbetet të vërtetojë nëse është një humbëse e madhe apo e vogël, kjo pasi rezultati nuk mund të ndryshojë.

Më tej, eksperti shtron dy çështje, nëse votat e manipuluara sipas PD-së janë mbi pretendimin e tyre si fitues në këto zgjedhje apo që nuk janë në një humbjë kaq të thellë siç duket.

“PD-ja gjithçka që mund të fitojë nga ky proces që sapo ka nisur, është të faktojë nëse është një humbëse e madhe apo një humbëse e vogël, dhe mendoj se këtu duhet ta limitojmë arsyetimin. Nëse mendohet se duke identifikuar manipulimin, gradualisht përmbysin rezultatin, pra PD të jetë fituese, del një diferencë e madhe në këtë çështje.

Diferenca këtu është mbi pritshmëritë e PD-së duke kërkuar votat e manipuluara, nëse janë për të faktuar pretendimin që janë fitues në zgjedhjet e 11 majit apo që nuk janë kaq thellë humbës në këto zgjedhje.

Humbja që i atribuohet PD-së dhe aleatëve të saj në opozitë nuk është e këtyre përmasave epike sepse nëse pretendimi i PD-së është që jo 50 mandate por duhet të ishin 69 mandate, mendoj që ky është një diskutim cilësor, por nuk e ndryshon thelbin e çështjes që PS është fituese e këtyre zgjedhjeve”, theksoi Gert Shella.