Shembet mbikalimi në Shkodër, prokuroria nis hetimet

Mbikalimi i këmbësorëve në vendin e quajtur “Ura e Bahçallëkut” në Shkodër është shembur paraditen e kësaj të premteje.

Fatmirësisht në momentin që mbikalimi është shembur në aksin rrugor nuk ka pasur as automjete, as këmbësorë.

Policia bën me dije se po punon për hapjen e rrugës, ndërkohë që një hetim ka nisur nga prokuroria për zbardhjen e shkaqeve të shembjes së mbikalimit.

“Rreth orës 12:00, është shembur pjesërisht mbikalimi i këmbësorëve, në vendin e quajtur “Ura e Bahçallëkut”.

Në momentin e shembjes, nuk ka patur në lëvizje automjete dhe as këmbësorë.

Në vendngjarje janë shërbimet e Policisë, shërbimet e zjarrfikëses dhe të Entit Pronar të Rrugës, të cilët po punojnë për hapjen e rrugës

Grupi hetimor ndodhet në vendngjarje dhe nën drejtimin e Prokurorisë, po punon për zbardhjen e shkakut të shembjes së mbikalimit”, thuhet në njoftimin e policisë.

LEXONI GJITHASHTU: 

• “Rama surprizon në fund”. Analisti tregon kush mund të jetë kandidati i PS në Vlorë
• Përçarje mes socialistëve të Vlorës? Alushaj tregon çfarë po ndodh brenda PS