Kryetari i Partisë Demokratike, Lulzim Basha ka përkujtuar veprën e humanistes shqiptare Nënë Tereza në Ditën e Shenjtërimit të saj.

Përmes një statusin në faqen e vet në Facebook, Basha shprehet se Nënë Tereza është simboli shqiptar i dashurisë për Zotin “që na krenon dhe motivon të veprojmë me përkushtim ndaj të tjerëve”.

“Jemi fatlumë, që gëzojmë sot shenjtërimin e Nënë Terezës, simbolit shqiptar të dashurisë për Zotin, e cila na krenon dhe motivon të veprojmë me dhembshuri në jetët tona, me përkushtim të madh veçanërisht për të varfrin, të pamundurin, të nëpërkëmburin.

Bekimi i Zotit dhe Shën Nënë Terezës qoftë me shqiptarët dhe familjet e tyre kudo ku janë!” shkruan Basha në Facebook.

LEXONI GJITHASHTU:

• Dita e Shenjtërimit të Nënë Terezës, Meta: Do të jetë përherë frymëzim
• Shenjtërimi i Nënë Terezës, Ambasada Amerikane: Na kujton dhembshurinë për tjetrin