Shërbente te ferma e Asmer Bilalit, përplasja e bandave solli vrasjen e 19-vjeçarit

Detaje të reja kanë dalë në dritë në lidhje me atentatin e ndodhur mbrëmjen e së dielës në Shkodër, ku mbeti i vrarë 19-vjeçari Erjon Xhenje.

Burime bëjnë me dije se i riu i shërbente fermës dhe kuajve të Asmer Bilalit, një emër shumë i njohur në botën e krimit në Shkodër.

Ngjarja mendohet të jetë vazhdimësi e rivalitetit mes bandës së dy fiseve në qytetin verior, Bajri dhe Lici.

Në lagjen “Zooteknike”, është gjetur i djegur në afërsi të portës së familjes Lici, motori që dyshohet se është përdorur nga autorët.

Vrasja ndodhi në lagjen “Kiras”, ku 19-vjeçari Erjon Xhenje ndodhej në brendësi të një lokali.

Disa persona të paidentifikuar kanë qëlluar në drejtim të lokalit, duke e lënë të vdekur në vend të riun.

Shërbimet e Policisë Vendore dhe FNSH Shkodër vijojnë kontrollin e zonës për të bërë të mundur kapjen e autorëve.

LEXONI GJITHASHTU

• Atentati në Shkodër, pista kryesore përplasja mes bandave
• ‘Hajde në shtëpi, po errësohet’, çfarë i tha babai të birit para vrasjes
• VIDEO | Ekzekutimi në Shkodër, momenti kur babai identifikon trupin e të birit