Sherr i dhunshëm në një lokal në Elbasan, procedohen penalisht dy persona

Një sherr i dhunshëm mes dy personave ka ndodhur në një lokall në qytetin e Elbasanit. Policia bën me dije se ka proceduar penalisht shtetasit G. B., 37 vjeç dhe T. B., 51 vjeç, të cilët në ambientet e një lokali janë konfliktuar me grushte me  njëri-tjetrin, duke prishur qetësinë publike.

Materialet në ngarkim të tyre u referuan në prokurori ku do të vijojnë hetimet e mëtejshme në gjendje të lirë.

“Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë për shtetasit G. B., 37 vjeç dhe T. B., 51 vjeç, të dy banues në Elbasan, pasi në ambientet e një lokali, kanë prishur qetësinë publike, duke goditur njëri-tjetrin me grushte, për motive të dobëta.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme”, thuhet në njoftimin e policisë.

LEXONI GJITHASHTU:

• Ngacmoi seksualist të miturën, lihet në burg 59-vjeçari. Çfarë deklaroi në gjyq
• Identifikohet gruaja e pajetë në plazhin e Durrësit, policia: Dyshohet se u mbyt