Një plagosje me thikë ka ndodhur për motive konkurrence në qytetin e Durrësit gjatë natës së djeshme.

Sipas informacioneve nga policia e Durrësit raportohet se dy personat e përfshirë në konflikt ishin pronarë minimarketesh në të njëjtën lagje.

Pas sherrit për motive të konkurrencës në treg, shtetasi A. T., rreth 55 vjeç, goditi me thikë shtetasin A. Sh., 57 vjeç, banues në lagjen nr. 1.

Ky i fundit u transporta me urgjencë në spital, ku po merr kujdesin e nevojshëm mjekësor. Ndërkohë që po vijon puna për arrestimin e autorit të krimit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXO GJITHASHTU:

• U fut të ndante sherrin mes arabëve, masakrohet 25 herë me thikë 20-vjeçari shqiptar
• Vodhi filialin e postës private në Tiranë, arrestohet 27-vjeçari