Sherr mes të rinjve në Sarandë, plagoset me thikë 21-vjeçari

Një plagosje me thikë ka ndodhur pas një sherri banal në qytetin e Sarandës këtë të enjte, ku i plagosur ka mbetur 21-vjeçari Jenion Taka.

Policia ka arrestuar autorin e ngjarjes, shtetasin Kevin Mixha, 20-vjeç. Ndërkohë që i plagosuri është dërguar me urgjencë në spitalin e Sarandës ku po merr kujdesin e nevojshëm mjekësor, jashtë rrezikut për jetën.

Materialet proceduarale në ngarkim të 2o-vjeçarit, i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

“Shërbimet e Komisariatit të Policisë Sarandë, menjëherë pas njoftimit se ishte plagosur me mjet prerës një 21-vjeçar, pas konfliktit me një shtetas tjetër, kanë organizuar punën për kapjen dhe arrestimin e autorit.

Si rezultat i veprimeve të shpejta profesionale, u kap dhe u arrestua në flagrancë shtetasi K. M., 20 vjeç, banues në Sarandë, për veprën penale “Plagosja e rëndë me dashje”.

Ky shtetas dyshohet se pas një konflikti të çastit, ka goditur me mjet prerës (thikë), shtetasin J. T., 21 vjeç, i cili ndodhet jashtë rrezikut për jetën”, njofton policia.

LEXONI GJITHASHTU:

• Lëvizte me automjet në trotuar, e “pëson” shoferi në Durrës
• S’pranon të paguaj faturën e ujit, i moshuari kanos faturisten. Procedohet penalisht
• Aksidentoi për vdekje këmbësorin dhe u largua nga vendngjarja, arrestohet 34-vjeçari