Sherr për pronat mes familjeve në Hamallaj, punonjësi i Gardës qëllon në ajër

Anëtarët e dy familjeve në Hamallaj janë konfliktuar për çështje pronash, rreth orës 11:30 të së dielës.

Njëri prej tyre, pjesë e Gardës, ka përdorur armën e shërbimit për të gjuajtur në ajër. Nga të shtënat nuk ka pasur të lënduar.

Policia ka shoqëruar të gjithë personat e përfshirë në konflikt.

Njoftimi i policisë:

Rreth orës 11:30, në Hamallaj, dyshohet se për motive pronësie, janë konfliktuar duke përdorur mjete të forta, anëtarët e një familjeje, shtetasit P. K., K. K. dhe S. K., me anëtarët e një familjeje tjetër, shtetasit A. N., P. K. dhe M. N.

Gjatë konfliktit dyshohet se shtetasi M. N., punonjës i Gardës, ka qëlluar në ajër, me armën e shërbimit. Nga të shtënat nuk është dëmtuar asnjë person.

Shërbimet e Policisë, sapo kanë marrë njoftim, kanë shkuar  menjëherë në vendngjarje dhe kanë bërë të mundur shoqërimin e të gjithë personave të përfshirë në konflikt, në Komisariatin e Policisë Durrës.

Grupi hetimor vijon punën për zbardhjen dhe dokumentimin e plotë të rrethanave të konfliktit.

Në përfundim të veprimeve të para hetimore dhe procedurale, do të ketë njoftim të plotë.

LEXONI GJITHASHTU:

• FOTO| Kush është shqiptari që vrau shokun në Greqi, pazaret e drogës “mollë sherri”
• Sherr me armë në plazhin e Bunecit, 2 të arrestuar dhe 1 në kërkim