Sherri me dy të plagosur në Pogradec, arrestohen gjashtë persona, një në kërkim

Policia e Pogradecit ka vënë në pranga gjashtë persona dhe ka shpallur një tjetër në kërkim, pas një konflikti të ndodhur një ditë më parë në lagjen nr. 1 të qytetit, ku dy shtetas mbetën të plagosur.

Ngjarja ndodhi në ambientet e një lokali, ku disa persona u përfshinë në një sherr fizik për motive të dobëta, duke përdorur edhe sende të forta.

Personat e arrestuar janë: Mario Xhangolli, Armand Kllogjri, Denis Xhemollari, Enri Çollaku, Nertil Çollaku, Klajdi Norolla.

Njoftimi i policisë:

“Në vijim të informacionit paraprak të dhënë ditën e djeshme, ku në lagjen nr.1 Pogradec, në ambientet e një lokali kishte ndodhur një konflikt për motive të dobëta midis disa personave dhe ngelën të dëmtuar, me sende të forta shtetasit M. Xh., dhe K. N., të cilët janë jashtë rrezikut për jetën, iu informojmë se: Specialistët për Hetimin e Krimeve në Komisariatin e Policisë Pogradec arrestuan në flagrancë shtetasit: M. Xh., 32 vjeç, A. K., 38 vjeç, D. Xh., 33 vjeç, E. Ç., 41 vjeç, N. Ç., 42 vjeç, dhe K. N., 37 vjeç, banues në Pogradec, si dhe shpallën në kërkim shtetasin E. A., 21 vjeç, për veprat penale ” Plagosje e rëndë me dashje”, ” Shkatërrimi i pronës”, dhe “Prishja e qetësisë publike””.

LEXONI GJITHASHTU:

• Pogradec: U konfliktuan e u plagosën me gota në lokal, 2 persona dërgohen te Trauma
• Irani kërkon që IAEA të hetojë sulmet amerikane në centralet bërthamore