Sherri për pronën në Durrës, përplasje mes autoriteteve dhe familjes Kapllani

Një pronë e cila është në proces gjyqësor prej kohësh mes dy familjeve Kapllani dhe Shaba në Romanat të Durrësit është bërë shkak që këto dy familje të konfliktohen verbalisht me njëra tjetrën. Secila palë ka pretendimet e veta, ku familja Kapllani tregon se është tokë që e kanë përfituar që në vitet 90’, ndërsa familja Shaba i ka bërë legalizimin në vitin 2013.

Por këtë të hënë, Inspektorati i Mbrojtjes së Territorit në varësi të Bashkisë Durrës, i mbështetur nga forcat e policisë, ndërhyri për hapjen e një rruge në këtë pronë private. Sipas IMT-së familja Kapllani ka bllokuar rrugën që lidhen 13 familje me zonën.

Por të dy familjet shpjegojnë pretendimet për të vërtetën e kësaj prone.

 “Duan me na marr tokën me zor dhe po e marrin, kanë sjellë fadromën, jam në tokën time, e kam me letra e kam marr me komision. Toka është në proces gjyqësor se ka bërë mbivendosje këtu. Nuk kemi pas dijeni, djalin dhe burrin i morën që të vazhdojnë punën rehat. I tërhoqën zvarre. Xheladin Shaba po ndërhyn , ka bërë mbivendosje me Flamur Gjuzin dhe Ergys Cyrbjan. Po ndërhyn në tokë bujqësore private. Do ta zgjidhim me gjyq, i kemi çuar ne SPAK. Kemi punuar prej vitesh për këtë toke, e kemi që në 90, toka babës me kohe që kur janë ndare tokat”,-tha Mirvete Kapllani.

Këtë hipotezë e kundërshton kreu i familjes Shaba, i cili tregon se posedon dokumentet për pronën.

 “Shteti po zbaton ligjin. I kam me legalizim të gjitha, ato e kanë zaptuar tokën time, kam shkuar 200 here ne polici për këtë çështje, unë disponoj letrat nuk me intereson. Kjo nuk ka asnjë lloj dokumenti, në rast se ajo disponoj dokumente ta marri tokën që nesër. Ne 2013 i kam bere letrat, kam 30 vite qe i kërkoj letrat e tokës”,-tha Xheladin Shaba, pretendues i pronës në Romanat.

Por situata nuk mbaron këtu. Përplasjet mes pronarëve të tokës dhe autoriteteve përfunduan me shoqërimin e çiftit të bashkëshortëve dhe të birit të familjes Kapllani në komisariatin  e Durrësit.

Ajo që bie ndesh me pretendimet e palëve është ndërhyrja e IKMT-së për hapjen e rrugës, edhe pse kjo e fundit përmes një komunikimi theksoi se toka ku është bërë ndërhyrja është pronë shtetërore.

Ndërkohë, familja Kapllani kërkon që situata të zbardhet nga institucionet përgjegjëse dhe që të respektohet procesi gjyqësor mbi pronësinë e tokës.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Viktima e Shkodrës u nxor në pritë nga një femër? Gazetari: Pistat që po ndiqen
• ​“Nuk janë reformuar”, Kurti: S’do të kemi nevojë për koalicione paszgjedhore